11/03/2022

Safna fyrir Úkraínu með því að selja teikningar

Þeir Helgi Hrafn Magnússon og Kjartan Gestur Guðmundsson í 4. bekk Brekkuskóla á Akureyri komust í fréttirnar á dögunum fyrir eftirtektarvert framtak sitt í bænum. Þeir gerðu sér lítið fyrir og seldu myndlist sína í fjáröflunarskyni og lögðu 26 þúsund krónur til neyðarsöfnunar UNICEF á Íslandi fyrir börn í Úkraínu. 

Það vakti athygli Nike á Íslandi að megnið af myndum þeirra voru af Nike skóm en sjálfir segjast þeir hafa einstakt dálæti á Nike. Þeir hafa til að mynda skreytt nokkur skópör duglega en fengu svo þá hugmynd að það gæti líka verið sniðugt og aðeins ódýrara áhugamál að teikna og hanna sína eigin skó á blaði. Eins komu þeir með þá hugmynd að snúa þróuninni bara við og að Nike gæti þá heldur framleitt skóna þeirra. 

Allur ágóðinn til UNICEF

Nike sem leggur samfélagslegum málum jafnan lið fannst meira en kjörið að styðja bæði við þessa efnilegu listamenn sem og að leggja málefni þeirra lið með því að kaupa sitt hvort verkið af þeim. En hvor mynd fór á 100.000 krónur. Afhentu þeir Helgi Hrafn og Kjartan Gestur því UNICEF stoltir 200.000 kr. Að sögn mæðra drengjanna fögnuðu þeir með söng og dansi þegar Nike sýndi verkefninu áhuga. Sögðu þeir einnig að tíðindin hefðu gert það að verkum að eftirspurn eftir myndunum hefði aukist mikið. 

Nike á Íslandi færði vinunum nýja Nike skó á sama tíma og þeir tóku við framlögunum. Það er gaman að segja frá því að þeir fóru beint heim og skreyttu skóna og skelltu sér á skólaball. Við hlökkum til að sjá afraksturinn.

Hlutverk UNICEF 

UNICEF er á vettvangi að tryggja meðal annars hreint vatn, heilbrigðisþjónustu, skólagögn, félagslega sálfræðiþjónustu og fjárhagsaðstoð. Einnig hefur verið virkjað svokallað Bláu punktakerfið til að taka á móti fólki sem nú flýr Úkraínu. Blái punkturinn er eins konar miðstöð þar sem tekið er á móti börnum og fólki á flótta, barnvæn svæði þar sem börn og fjölskyldur fá sálræna aðstoð, heilbrigðisþjónustu, hjálpargögn, upplýsingar, skjól og vernd. Þá hafa Bláu punktarnir reynst mikilvægir til að bera kennsl á fylgdarlaus börn sem orðið hafa viðskila við fjölskyldur sínar. Einnig komu um helgina sex fullestaðir flutningabílar frá UNICEF til Lviv í vesturhluta Úkraínu með alls 62 tonn af hjálpargögnum. 

 

Fleiri fréttir

Fyrst með stóma yfir Ermarsundið

May 9th, 2022|

Sigríður Lárusdóttir 57 ára lífeindafræðingur lætur ekkert stoppa sig og ætlar sér að taka þátt í boðsundi yfir Ermarsundið þrátt fyrir að vera með stóma. Icepharma gerðist nýlega stoltur styrktaraðili Sigríðar og vill leggja sitt

Safna fyrir Úkraínu með því að selja teikningar

March 11th, 2022|

Þeir Helgi Hrafn Magnússon og Kjartan Gestur Guðmundsson í 4. bekk Brekkuskóla á Akureyri komust í fréttirnar á dögunum fyrir eftirtektarvert framtak sitt í bænum. Þeir gerðu sér lítið fyrir og seldu myndlist sína í

Heilsuvika Ósa

November 10th, 2021|

Í síðustu viku var heilsuvika Ósa haldin þar sem markmið var að virkja starfsfólk til að huga að heilsunni saman. Alla daga vikunnar var boðið upp á fjölbreytta heilsueflandi dagskrá þar sem starfsfólk ýmist miðlaði