Ósar2022-05-17T14:13:56+00:00

Saman myndum við lífæð heilbrigðis

Með yfirgripsmikilli reynslu og þekkingu starfsfólks, öflugu framboði lyfja, lækningatækja, rekstrarvara og heilsueflandi vara og víðtækri vörustjórnunar- og dreifingarþjónustu, vinnum við markvisst að því að þjónusta heilbrigðisgeirann, auka lífsgæði einstaklinga og stuðla að bættu heilbrigði og vellíðan landsmanna.

Félög með fallega sögu

Dótturfélög Ósa eiga sér djúpar rætur í íslensku samfélagi og má rekja sögu þeirra aftur til ársins 1919 þegar Stefán Thorarensen stofnaði Laugavegsapótek.

Icepharma er rótgróið þekkingarfyrirtæki á íslenskum heilbrigðis- og neytendamarkaði og á í samstarfi við fjölmörg alþjóðleg lyfjafyrirtæki og þjónustar þau á margvíslegan hátt. Icepharma er einnig umboðs- og þjónustuaðili fjölbreyttra hjúkrunar- og heilbrigðisvara, rannsóknar- og stoðtækja og annarra vara sem ætlaðar eru fyrir heilbrigðisþjónustu á Íslandi.  Auk þess er Icepharma umboðsaðili fjölmargra heilsueflandi vörumerkja, s.s. vítamína, bætiefna, lífrænna matvæla og, íþróttafatnaðar sem seldur er neytendum í gegnum eigin vefverslanir eða í gegnum þriðja aðila.

LYFIS er rekið sem sjálfstæð rekstrareining innan lyfjasviðs Icepharma og sérhæfir sig í sölu og markaðssetningu á samheitalyfjum.

Parlogis sérhæfir sig í vörustjórnun og annast meðal annars innkaup, innflutning, birgðastýringu, dreifingu og innheimtu. Eitt vöruhúsa Parlogis eru sérhæft fyrir lyf, lækningatæki og heilbrigðisvörur. Parlogis annast dreifingu til viðskiptavina um land allt. 

Ósar veitir dótturfélögunum stoðþjónustu á sviði upplýsingatækni, mannauðsstjórnunar, við umsýslu fjármála og í tengslum við hlítni og gæðastarf þannig að dótturfélögin geti hvert fyrir sig einbeitt sér að kjarnastarfsemi sinni. 

Samfélagsleg ábyrgð okkar allra

Áhersla á sjálfbærni og samfélagslega ábyrgð Ósa og dótturfélaganna hefur vaxið jafnt og þétt og því gleður það okkur mjög að birta nú sameiginlega samfélagsskýrslu sem tekur til allrar samstæðunnar.  Skýrslan gefur góða mynd af starfseminni og því mikilvæga hlutverki sem félögin gegna í samfélagslegu tilliti.

Skoða skýrsluna

Fréttir

Go to Top