Árið 2024 var mikilvægt ár fyrir Ósa. Nýjar viðskiptaeiningar festu sig í sessi, á sama tíma og unnið var ötullega að því að byggja upp traustari og samræmdari innviði fyrir alla starfsemi samstæðunnar.

Þetta ár markaði því upphaf nýrrar heildar – þar sem jarðvegsvinna og gróðursetning síðustu ára fór að bera ávöxt og leggja grunn að áframhaldandi vexti.

Ósar lögðu áherslu á að efla innviði, styðja við nýjar einingar og halda áfram að byggja upp heilbrigðara samfélag – í rekstri, umhverfi og þjónustu. Fjárfest var í verkefnum sem styðja langtímasýn okkar og skapa raunverulegt virði fyrir samfélagið.

Við tókum þátt í fjölbreyttum verkefnum á sviði heilsueflingar, fræðslu og nýsköpunar – þar sem sjálfbærni og samfélagsleg ábyrgð voru leiðarljós. Við viljum leggja okkar af mörkum til heilbrigðara samfélags með lausnum sem standast tímans tönn.

Samfélagsskýrsla Ósa og dótturfélaga gefur innsýn í þessi verkefni og þá sýn sem liggur að baki – framtíð þar sem heilbrigði og ábyrg starfsemi haldast í hendur.