Tannheilsusvið Icepharma tók virkan þátt í Tannlæknaþingi 2024, sem haldið var í Reykjavík í október. Þingið var vel sótt af tannlæknum, tannfræðingum, tanntæknum og öðrum sérfræðingum í tannheilsu, og bauð upp á fjölbreytt erindi, nýjustu tækni og vörur á markaðnum.

Icepharma kynnti þar nýjungar á sviði tannheilsu og bauð gestum upp á fræðslu um áhrifaríkar lausnir til bætingar á tannheilbrigði. Á bás fyrirtækisins fengu gestir að kynna sér nýjustu vörurnar frá þekktum vörumerkjum á borð við Straumann, Geistlich, 3Shape og fleirum. Gestir fengu að prófa nýjustu tæknina og fá ráðgjöf frá starfsfólki Tannheilsusviðs Icepharma.

„Við erum afar ánægð með viðtökurnar á Tannlæknaþingi 2024. Það er okkur mikilvægt að vera í góðu sambandi við tannlækna og aðra sérfræðinga í greininni, kynna þeim nýjustu lausnirnar og hlusta á þarfir þeirra.“ – Hlynur Hafsteinsson, deildarstjóri Tannheilsusviðs hjá Icepharma.

Þátttaka Icepharma á þinginu endurspeglar skuldbindingu fyrirtækisins við framþróun í tannlækningum og tannvernd á Íslandi. Með nýjum vörum og lausnum stuðlar fyrirtækið að bættri tannheilsu landsmanna og styður fagfólk við að veita skjólstæðingum sínum bestu mögulegu þjónustu.

Tannlæknaþingið 2024 reyndist góður vettvangur fyrir faglegt samtal og tengslamyndun, og Icepharma hlakkar til að taka þátt að nýju á næsta þingi.