Árið 2024 var ár framfara hjá velferðartæknideild Icepharma. Lögð var áhersla á að kynna og innleiða nýjar tæknilausnir sem bæta heilbrigðis- og velferðarþjónustu. Áframhaldandi kynning á Evondos sjálfvirka lyfjaskammtaranum var einn af hápunktunum. Til dæmis gaf heimahjúkrun HSN á Akureyri yfir 50.000 skammta með aðstoð tækisins, sem jók meðferðarheldni og minnkaði álag á hjúkrunarfræðinga.

Deildin hélt einnig kynningar og tók þátt í ráðstefnum, þar á meðal Velferðartæknimessu á Ólafsfirði og Sjónaukanum á Akureyri, þar sem hún fjallaði um nýsköpun og framtíðartækifæri í velferðartækni. Einnig átti deildin mikilvæg samtöl við hagaðila, þar á meðal heilbrigðisráðuneytið, um hvernig tækninýjungar geti stutt við heilbrigðisþjónustu, aukið öryggi og bætt lífsgæði. Slíkt samtal er lykilatriði til að mæta áskorunum framtíðar og tryggja að kerfið nýti tæknina sem best.

Með þessum aðgerðum undirstrikar Icepharma leiðtogahlutverk sitt í að móta öflugt heilsu- og velferðarsamfélag framtíðarinnar.

Helga Dagný er framkvæmdastjóri Icepharma Velferð. Hún fer hér yfir nokkrar helstu áskoranir í daglegum rekstri heilbrigðisstofnana og hvernig velferðartækni getur verið stór hluti af lausninni: